Һағындыра өләсәйле саҡтар!

Сәскә, еләк еҫтәренә

Йәйҙә башым әйләнә.

Һәүәҫкәр шағирә Тәнзилә апай Юсееваның ошо шиғыр юлдары өләсәйҙәр менән бергәләп йәмле йәй көндәрендә бәпкә көткән саҡтарға алып ҡайтты.

Беҙ ул саҡта бала ғына. Сирәмдә тәгәрәп ятып йәшел генә йомро бәпкәләрҙе ҡарғаларҙан һаҡлайбыҙ. Улары ла хәйләкәр, һинең ситкә китеүеңде генә һағалап торалар – аҙ ғына күҙ яҙҙырҙыңмы, бәпкәне эләктереп тә китәләр. Күрше-тирә инәйҙәр инде беҙҙең үҙебеҙгә күҙ-ҡолаҡ, сөнки атай-әсәйҙәр көнө буйы колхоз эшендә, өйҙәге эштәр иһә беҙгә йөкмәтелгән. Өләсәйле саҡтар, йәшел сирәмдә уйнаған, йомортҡа баҫып бәпкә сығарған ябай ауыл ҡаҙҙары олоғая барған һайын матур хәтирә булып иҫкә төшә.