-21 °С
Облачно
Антитеррор
Все новости
ЙӘМҒИӘТ
11 Февраля 2020, 15:00

Рәмилгә Дағстан ҡатыны күстәнәс алып килгән

Урта йәштәрҙәге ханым СИЗО-ла ултырған Рәмил Шәмсетдиновҡа күстәнәс алып килгәс, ҡайһы берҙәр уны әсәһе тип уйлағандыр...

Үкенескә күрә, егеттең әсәһе ул бәләкәй саҡта уҡ вафат булған шул. Ә бына, Аллаға шөкөр, арабыҙҙа кеше балаһын үҙенекеләй яҡын күргәндәр, хәленә ингәндәр бар. Шундайҙарҙың береһе - Дағстандан Рая исемле ҡатын - ошо көндәрҙә Рәмилгә ике тапҡыр аҙыҡ-түлек алып килгән.

“Рая – Рәмил янына Дағстандан килгән ябай ҡатын. Улар туған түгел, хатта таныш та булмағандар. Шулай ҙа ҡатын Рәмилдең яҙмышы өсөн ныҡ борсола. Ул изге ғәмәлен ысын күңелдән эшләгән. Бала саҡтан уҡ Кавказ ҡатын-ҡыҙҙарының оло йөрәкле икәнен яҡшы беләм”, - тип яҙған Рәмил Шәмсетдиновтың адвокаты Нәғиев социаль селтәрҙәге сәхифәһендә.

Фото: @advokat_nagiev

Автор: Венер Исхаҡов.
https://rbsmi.ru/work/frontend/web/issue-map/update/116730
Читайте нас в