-10 °С
Облачно
Антитеррор
Все новости
ЙӘМҒИӘТ
18 Февраля 2020, 19:00

Йәнә ер тетрәү...

Былтыр ноябрҙә Башҡортостан менән Силәбе өлкәһе сигендә ике ер тетрәү теркәлгәйне.

Ҡаҙағстан милли мәғлүмәттәр үҙәгенең сейсмик станцияһы хәбәр итеүенсә, 12 февралдә Көньяҡ Уралда йәнә ер тетрәү күҙәтелгән.

“Магнитудаһы 2,8 балл тәшкил иткән ер тетрәү Учалы районының Ҡотой, Ҡолош, Муса ауылдары эргәһендә булған, ә иң көслөһө - 3 магнитудалыһы Силәбе өлкәһенең Нязепетровка ҡалаһынан алыҫ түгел урынлашҡан Балаҡатай районының Әшәй һәм Яңы Балаҡатай ауылдарында теркәлгән”, - тип белдерә "Cheltv" каналы.

Бындай ҡеүәттәге ер тетрәүҙәр көсһөҙ тип һанала, кешеләргә һәм инфраструктураға зыян килтермәй, әммә ҡайһы бер тойоусан кешеләрҙең сәләмәтлегенә кире тәьҫир итеүе ихтимал.

Фото: advis.ru
Автор: Римма Султанова.
https://bash.rbsmi.ru/articles/ekologiya/Y-n-er-tetr-123731/
Читайте нас в