Бөгөн астрономдар көнө

Күк йөҙөндә нисә йондоҙ бар?.. Ә нисә планета?

Йыһандағы йондоҙҙарҙың иҫәбе–һаны юҡ, улар бик күп. Барыһын да телескоп аша ҡарап, астрономдар өйрәнә. Һәр береһенең “йәшәгән” урынын, йәғни адресын да билдәләйҙәр.

Йондоҙҙар – бик йыраҡта урынлашҡан ҙур утлы шарҙар. Нурҙары беҙгә аҙналар, айҙар, хатта йылдар буйына килә. Шуға бәләкәй генә булып тойолалар ҙа инде.

Ә беҙҙе йылытыусы, тереклекте үҫтереүсе ҡояшыбыҙҙы иң ҙуры, иң яҡтыһы, тип уйлайһығыҙмы? Юҡ. Ул да йондоҙ. Әммә, Ергә иң яҡыны булғанлыҡтан, ныҡ ҙур, ҡайнар булып күренә.

Ә бына планеталар, бер ғаиләне тәшкил итеп, Ҡояш тирәләй урынлашҡан.

Ҡояшҡа иң яҡыны – Меркурий, унан һуң – Венера, өсөнсө “йортта” Ер, дүртенсе – Марс килә. Бишенсе урында ғәйәт ҙур планета Юпитер, шунан тәгәрмәслеләре – Сатурн, Уран, Нептун тора. Плутон – Ҡояш системаһының туғыҙынсы планетаһы.

Ай иһә Ерҙең уратып йөрөүсе берҙән-бер юлдашы.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1