Бүләктәр – гәзит уҡыусыларыбыҙға

Район гәзите редакцияһы яңынан, яҙылыу кампанияһы тамамланғансы, йәғни июнь аҙағына тиклем һәр аҙна һайын уҙғарыласаҡ приздар уйнатыу тураһында иғлан итте. Был юлы бүләк итеп «Престиж» магазинына аҡсалата сертификаттар һайланған. Һеҙ отҡан сертификаттарығыҙға кәрәкле әйберегеҙҙе үҙаллы һайлай алаһығыҙ.

Был аҙнала беҙ тәүге бүләк – 300 һумлыҡ сертификатты уйнаттыҡ. Уға Дәүләкәндә йәшәүсе М.З. Хәбиәхмәтова эйә булды. Һеҙ ҙә 300, 500 һәм 1000 һумлыҡ сертификаттың береһен ота алаһығыҙ! Бының өсөн 2020 йылдың икенсе ярты йыллығына «Асылыкүл» йәки «Балҡантау» гәзитенә яҙылырға һәм беҙгә квитанцияғыҙҙың күсермәһен [email protected] электрон почтаһына ебәрергә (һеҙҙең менән бәйләнешкә инер өсөн телефон һандарығыҙҙы яҙырға онотмағыҙ) йәки Дәүләкән ҡалаһы, Туҡай урамы, 1-се йорт адресы буйынса үҙегеҙгә килтерергә кәрәк. Уңыш һәр кемгә лә йылмайырға мөмкин!