Уңған ҡатын нур сәсә

Алия Муллабаева ауылда үткәрелгән мәҙәни сараларҙа әүҙем ҡатнашыусыларҙың береһе. Үҙаллы изоляция көндәрендә лә инәй ҡул ҡаушырып ултырмай: төрлө тәм-томдар бешерә, кис етһә, баҡсаға, ишек алдына биҙәп ултыртыр өсөн ҡул аҫтындағы әйберҙәрҙән төрлө һындар яһай. Уның баҡсаһында йәй буйы айыу менән фил дә “ултыра”, егеүле ат та әҙер, ҡоштар “оса”, бал ҡорттары “ҡуна”. Былар барыһы ла ябай ғына нимәләрҙән эшләнгән. Уның ҡарауы улар шул тиклем зауыҡлы күренә һәм ихатаны биҙәй.