Аллы-гөллө гөл-сәскә...

Һәр хужабикә матурлыҡҡа, камиллыҡҡа ынтыла. Резеда Фәтхелисламованың да тап шулай. Урам ҡапҡаһын асып инеү менән һине төрлө төҫтәрен балҡытып, сәскәләр ҡаршы ала. Һәм был иртә яҙҙан көҙгә тиклем шулай. Иртән тороп сығыуға ләләләр сәскә атҡан, артабан пиондар хуш еҫен бөркәсәк, артабан – башҡалары. Гөлдәр тынысландыра, йәм бирә, ишек алдын нурға күмә.