-29 °С
Облачно
Антитеррор
Все новости
ЙӘМҒИӘТ
19 Июня 2020, 12:40

Матбуғат - 2020

«Районка»ның юбилейына – махсус бүләктәр!

Аҙна һайын бүләктәр уйнатыуҙа был юлы бәхет даими уҡыусыбыҙ Анастасия Степановна Назароваға йылмайҙы. Ул «Асылыкүл» гәзитенә яҙылып, квтианция күсермәһен редакцияға килтерҙе һәм ҡалалағы магазиндарҙың береһенә сертификат отто.
«Гәзитте 1942 йылдан бирле уҡыйым. Район элемтә узелына 14 йәшлек кенә ҡыҙ сағымда эшкә килгәндә, матбуғат баҫмаларын бөтә коллектив менән алдырып уҡый торғайныҡ, - тип һөйләй Анастасия Степановна. – Әле миңә 92 йәш. Күптән инде хаҡлы ялдамын, әммә район гәзитен даими алдырам. Уны тәүге битенән алып аҙаҡҡы битенә тиклем уҡып сығыр өсөн шишәмбе һәм йома көндәрендә почтальонканы көтөп алам. Гәзит миңә оҡшай. Хәбәрселәрҙең дә исем-шәрифтәрен ятлап алдым, уларҙың һәр мәҡәләһен ентекләп уҡыйым. Уларҙың һәр береһе яҡшы танышым һымаҡ».
Тағы ла бүләктәрме?
Бүләктәр бының менән генә бөтмәй әле. Алда һеҙҙе йәнә аҡсалата сертификат һәм суперприз - бер машина утын көтә! Был ғына ла түгел әле! Гәзит уҡыусылар быйыл «районка»ның 90 йыллығын билдәләүен яҡшы белә.Коронавирус таралыуы сәбәпле, планлаштырылған байрам саралары ойошторолманы. Ошо айҡанлы, гәзиттең юбилейына махсус приз фонды булдырылды һәм редакция 2020 йылдың икенсе ярты йыллығына район гәзитенә яҙылған һәм квитанцияларын Туҡай урамы, 1 адресы буйынса килтергән, йәки [email protected] электрон адресына һалған кешеләр араһында өҫтәмә рәүештә бүләктәр уйната.
Бүләктәр уйнатыуҙа 2020 йылдың икенсе ярты йыллығына тултырылған подписка квитанциялары ҡатнаша. Еңеүсене махсус программа ярҙамында билдәләйәсәкбеҙ, тимәк, барығыҙҙың да мөмкинлегегеҙ бар.
Электр сәйнүге
Тостер
Блендер
Вентилятор
Кофе ваҡлағыс
Кухня үлсәүе
Ювелир магазинына 500 һумға ике сертификат
Магнит-Косметик магазинына 300 һумға биш сертификат
Читайте нас в