Сүплеккә сығарып ташларҙай булам!!!

Магазндарҙа хәҙер таҫтамалдарҙың ниндәйе генә юҡ! Матурлығына ҡыҙышып алып ҡайтам да... һөҙөмтәлә улар шыуып тик тора, ҡулды бөтөнләй ҡоротмай. Хәҙер сауҙа нөктәләренә инһәм, тәүбашта уның ниндәй туҡыманан тегелеүен ҡарайым. Шыуып торғандарын, тәнде ҡоротмағандарын бөтөнләй алмайым. Ә бер көндө миңә күрше апай үҙенең әсәһенән ҡалған таҫтамалды күрһәтте. Һүрәттәге кеүек таҫтамалды бөгөнгөләр менән сағыштырырлыҡ түгел, әлбиттә. Һеҙ ҙә һүрәттәге этикеткаға иғтибар итегеҙ әле. Бер ҡап шырпы бер тин торғанда, заманына күрә ҡыйбатлы ғына булған, әлбиттә.