Төҙөүселәр көнө менән!

Төҙөүсе һөнәре беҙҙең илдә элек-электән киң таралған һәм абруйлы профессияларҙың береһе. Һәм бөгөн Төҙөүселәр көнө — ысын мәғәнәһендә бөтә халыҡ байрамы ул.

Төҙөүселәр хеҙмәте айырыуса халыҡ тормошоноң матди һәм мәҙәни кимәлен күтәреү өсөн кәрәк. Бөтә донъя иҡтисади көрсөгө шарттарында ла яңы етештереү ҡеүәттәрен сафҡа индереү, төҙөлөш индустрияһы үҫеше, күперҙәр, юлдар һалыу, ҡала һәм ауылдарҙа социаль өлкә объекттары төҙөү дауам итә. Торлаҡ төҙөлөшөнә, шул иҫәптән аҙ ҡатлы төҙөлөшкә, торлаҡ объекттарының ҡулланыу үҙенсәлектәрен яҡшыртыуға ҙур иғтибар бирелә.