«Иғтибар - балалар!»

Районда балалар ҡатнашлығында юл-транспорт фажиғәләренә ҡаршы акция уҙасаҡ.
17 августан 11 сентябргә тиклем республика территорияћында «Иғтибар – балалар!» тигән профилактик сара уҙғарыла. Ул балалар һәм үҫмерҙәр ҡатнашлығында юл-транспорт фажиғәләрен булдырмауға йүнәлтелгән.
«Иғтибар – балалар!» операцияћы барышында Дәүләкән ҡалаһының Дәүләт автоинспекцияы хеҙмәткәрҙәренең райондың мәғариф идаралығы менән берлектә балалар һәм үҫмерҙәр ҡатнашлығында юл-транспорт фажиғәләрен кәметеүгә йүнәлтелгән саралар уҙғарыуы күҙаллана. Район юлдарындағы даими рейдтар уларҙың береһе буласаҡ. Инспекторҙар Юл хәрәкәте, айырым алғанда, атомобиль салонында балаларҙы йөрөтөү ҡағиҙәләрен боҙған водителдәрҙе тикшерәсәк.
Ошо уңайҙан иҫегеҙгә төшөрәбеҙ!
Водителдәр, юлдарҙа икеләтә иғтибарлы һәм һаҡ булығыҙ. Тиҙлек режимын күҙәтергә онотмағыҙ!
Хөрмәтле ата-әсәләр, тәүлектең ҡараңғы ваҡытында балағыҙҙың кейемендә яҡтылыҡ ҡайтарыусы элементтар булырға тейешлеген иҫегеҙҙә тотоғоҙ. Улар яҡтыртылмаған юлда бәләкәй йәйәүлеләрҙе күрергә һәм юл-транспорт фажиғәләре ҡурҡынысын һиҙелерлек кәметергә ярҙам итә.
Балаларығыҙҙы урамға сығарғанда, улар менән хәүефһеҙлек минуттары уҙғарырға онотмағыҙ. Юл йәки урам аша нисек сығырға,туҡтап торған транспорт сараһын нисек урап үтергә, светофорҙың ниндәй төҫө янғанда юл аша сығырға кәрәклеген яҡшылап аңлатығыҙ.