Штрафтарығыҙҙы ваҡытында түләгеҙ!

Суд приставтары тарафынан сығарылған сикләүҙәр һәм тыйыуҙар водителдәрҙе Юл хәрәкәте ҡағиҙәләрен боҙған өсөн штрафтарын ваҡытында түләргә мәжбүр итә, сөнки улар – юл хәрәкәтендә ҡатнашыусыларҙың бөтәһенең дә бурысы. Был осраҡта суд приставтары бурыслыларға ҡарата закон тарафынан ҡаралған барлыҡ сараларҙы ла ҡуллана. Улар араһында милеккә һәм банк иҫәптәренә арест һалыу, транспорт сараһы менән идара итеү хоҡуғына сикләү индереү һәм башҡалар бар. Ҡулланылған саралар комплексы ыңғай һөҙөмтәләрен бирә һәм граждандар башҡарыу документтары талаптарын үтәй башлай. Шулай, йыл башынан Башҡортостан Республикаһының суд приставтары тарафынан административ хоҡуҡ боҙоуҙар өсөн Дәүләт автоинспекцияһы һалған штрафтарҙы түләтеү тураһындағы 239 меңдән ашыу башҡарыу производствоһы тамамланған. 160 миллион һумға яҡын штраф түләтелгән.

Миҫал өсөн, 34 йәшлек Дәүләкән районы кешеһенә эскән килеш руль артына ултырған өсөн тәғәйенләнгән штрафын түләүгә бер сәғәттән аҙыраҡ ваҡыт кәрәк була. Суд приставы уның асыҡланған милкенә – Hyundai Accent автомобиленә арест һалғас, ҡарар шунда уҡ ҡабул ителә. Һөҙөмтәлә бурыс түләнә, милектән арест алына һәм, үтәлгәнлектән, башҡарыу производствоһы бөтөрөлә.

Рәсәй Федерацияһы Суд приставтары хеҙмәтенең Башҡортостан Республикаһы идаралығы граждандарға «Банк данных исполнительных производств» (http://r02.fssp.gov.ru/iss/ip), ә Юл хәрәкәте ҡағиҙәләрен боҙған өсөн штрафтар тураһында «Проверка штрафов» (https://гибдд.рф/check/ fines) сервистары ярҙамында үҙҙәренең түләнмәгән бурыстарының барлығын-юҡлығын тикшерергә тәҡдим итә. «Банк данных исполнительных производств» сервисында үҙ исем-шәрифтәрен тапҡандарға бурыстарын түләү мотлаҡ. Быны алда әйтеп үтелгән сервис ярҙамында йәки https:www.gosuslugi.ru/ сайтында Дәүләт хеҙмәттәре (Госуслуги) аша эшләргә мөмкин. Ҡулланылған йәки ҡулланыласаҡ мәжбүри саралар тураһында мәғлүмәт алыу өсөн Рәсәй Федерацияһы Суд приставтары хеҙмәтенең Башҡортостан Республикаһы идаралығы http://r02.fssp.gov.ru/cjntacts/ сайтының «Контакты» бүлегендә урынлаштырылған суд приставтары бүлектәренең телефон һандарына шылтыратып белергә була. Төбәк бүлегенә шәхси барыу кәрәклеге тыуһа, http://r02.fssp.gov.ru/fssponline/ cайтының «Шәхси ҡабул итеүгә яҙылыу» сервисы ярҙамында эшләргә мөмкин.

Рәсәй Федерацияһы Суд приставтары хеҙмәтенең Башҡортостан Республикаһы идаралығы ваҡытында түләнмәгән штрафтарҙың күләме артыуына ғына түгел, ә РФ КоАп-ның 20.25-се статьяһына ярашлы 15 тәүлеккә тиклем административ ҡулға алыуға йәки 50 сәғәткә тиклем мәжбүри эштәргә килтерергә мөмкинлеге тураһында водителдәрҙең иҫенә төшөрә.

Фото:асыҡ сығанаҡтарҙан.