Йылмайыу көнө менән, дуҫтар!

Бөгөн, баҡтиһәң, Бөтә Донъя Йылмайыу көнө билдәләнә икән.

Ул донъяла быйыл 21-се тапҡыр байрам ителә. Тантана йылдан-йыл нығыраҡ популярлаша бара һәм, ниһайәт, беҙҙең илгә лә килеп етте.

Йылмайыуҙың файҙаһы тураһында бөтәһе лә беләлер, моғайын. Йылмайған кешеләр йәшерәк күренә, оҙағыраҡ йәшәй һәм әйләнә-тирәләгеләрҙе үҙҙәренә йәлеп итә. Шуға, донъяла Йылмайыу көнө кеүек байрамдың булыуы һис тә ғәжәп түгел. Уның тик 1999 йылда байрам ителә башлауы ғына бер аҙ ғәжәберәк булып тора.

Шулай итеп, 2020 йылдың тәүге йомаһында, йәғни 2октябрҙә, беҙ 21-се тапҡыр Бөтә донъя йылмайыу көнөн билдәләйбеҙ. Ә ниңә тап ошо көндә? Яуабы ябай: был тантана йома көнөнә тура килә, ә йома, ҡағиҙә булараҡ, йылмайыуға дусар итә (сөнки алда ике ял көнө көтә), байрам октябрь айында үтә, ә октябрь – көҙҙөң уртаһы. Был ваҡытта күптәрҙең көҙгө күңеле төшөнкөлөккә бирелә башлай. Ә Йылмайыу көнө был күңел төшөнкөлөгөн ҡыуып ебәрергә йүнәлтелгән.

Әйткәндәй, байрамдың үҙенең девизы ла бар – «Изгелек эшлә. Бер генә йылмайыу булһа ла тыуҙырырға ярҙам ит!»

Һеҙҙең иғтибарға билдәле шағирә Фирүзә Абдуллинаның ошо көнгә бағышлап яҙылған «Йылмаяйым» тигән бик матур шиғырын тәҡдим итәбеҙ.

Беҙ ҙә йылмайып, донъяны нурға күмеп йәшәйек, дуҫтар!

Йылмаяйым!

Ҡулдарыма һис эш бармай,
Ҡайҙан ғына им табайым?
Әйҙә әле ҡыҙыҡ өсөн
Тирә-яҡҡа йылмаяйым!

Кәйефем юҡ, мәшәҡәт күп,
Ни арала тын алайым?..
Мин эшләмәй кем эшләһен?
Туҡта, берҙе йылмаяйым!

Һис кенә лә тынғы бирмәй
Сирем – кемгә зарланайым?
Зарланыуҙан ниндәй файҙа?
Һиҙмәһендәр - йылмаяйым!

Кемдер ғәйбәт һөйләй икән,
Нисек кенә үс алайым?
Бысранырға теләгем юҡ,
Шартлап китһен – йылмаяйым!

Абынһам да, һөрлөкһәм дә,
Үҙ юлымдан атлап киләм,
Был донъяның бар михнәтен
Мин йылмайып еңә беләм!

Фирүзә Абдуллина.

https://vk.com/club49031262

Читайте нас:

Новости партнеров

Синоптиктарға ышанырғамы, Рәйес бабайғамы?

“Җиде бала үстек әткәй белән...”

О чём говорят немые колонны Уфы

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1