Республикабыҙҙы таҙараҡ һәм йәшелерәк итәйек

10 октябрҙә "Асылыкүл" тәбиғәт паркында БР Экология министрлығы ҡарамағындағы Йәмәғәтселек Советы тарафынан Дәүләкән районы хакимиәте, БР Урман хужалығы министрлығы һәм "Йәшел Башҡортостан" Республика йәмәғәт ойошмаһы ярҙамында 10 мең төп йүкә һәм имән ағастары ултыртыу буйынса экология акцияһы уҙғарылды.

Сарала тәбиғәттән файҙаланыу һәм экология министры Урал Искәндәров, БР Урман хужалығы минситры урынбаҫары Илгиз Фәтҡуллин, Дәүләкән районы башлығы вазифаһын башҡарыусы Илгиз Мөхәмәтйәнов, йәмәғәтселек вәкилдәре, ирекмәндәр һәм урындағы халыҡ ҡатнашты.

Акция һыу ятҡылығына антропоген тәьҫир итеүҙе компенсациялауҙы һәм Асылыкүлдә экология хәлен яҡшыртыуға йүнәлтелгән.

- Республикабыҙҙы таҙараҡ, йәшелерәк һәм яҡшыраҡ итеү өсөн беҙ изге эштәрҙе даими эшләп тора алабыҙ. Бөтәһенә лә был изге сарала ҡатнашҡан өсөн рәхмәт белдерәм, - тине Урал Искәндәров.

Иҫегеҙгә төшөрәбеҙ, бындай саралар уҙғарыу граждандарҙың экологик мәҙәниәте кимәлен һәм яуаплылығын арттырыу иң мөһим йүнәлештәренең береһе булған "Экология" милли проекты маҡсаттарына һәм бурыстарына тулыһынса тап килә.

#командахабирова #правительстворазвития #нацпроекты #региональныепроекты #регпроекты #нацпроектыБашкортостан #ЗелёнаяРоссия #ЗеленаяБашкирия #МинэкологииРБ #ЭкоБашкортостан

Рәсәйҙең милли проекттары

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1