Район гәзитен уҡыусыларҙы «татлы тормош» көтә!

«Асылыкүл»-«Балҡантау» гәзитенә яҙылыу – район һәм республика тормошондағы яңылыҡтар менән генә танышыу түгел, көнкүрештә кәрәкле һәм файҙалы әйберҙәр отоу мөмкинлеге лә.

Район гәзите редакцияһы аҙна һайын үҙенең подписчиктары араһында бүләктәр уйната. Беҙ был бүләктәр һеҙгә ҡыуаныс килтерһен өсөн тырышабыҙ. Шуға ошо аҙнанан башлап «Таҙалыҡ – сәләмәтлек нигеҙе» тип исемләнгән акция иғлан итәбеҙ. Тимәк, һәр ғаиләлә таҙалыҡ һәм тәртип булдырыу өсөн кәрәкле әйберҙәр уйнатыласаҡ. Улар араһында – бер нисә килограмм ауырлыҡтағы кер порошогы, дезинфекция саралары, өй йыйыштырыу өсөн кәрәкле тауарҙар бар. Бөгөн, пандемия шарттарында, улар айырыуса көнүҙәк.

Бынан тыш, беҙҙең подписчиктар төп бүләкте уйнатыуҙа ҡатнашыуға дәғүә итә ала. Быйыл «Асылыкүл» һәм «Балҡантау» гәзиттәренә яҙылыусылар араһында бүләкте айырым уйнатырға ҡарар иттек. Бәхетлеләр бер тоҡ шәкәр ҡомо аласаҡ.

Уңыш йылмайһын тиһәгеҙ, почтала йәки редакцияла 2021 йылға район гәзитенә подписка тултырырға кәрәк. Артабан яҙылыу тураһында квитанция күсермәһен редакцияға килтерергә йәки 453400, Дәүләкән ҡалаһы, Туҡай урамы, 1 адресы буйынса ебәрергә. Шулай уҡ гәзиттең электрон почтаһына [email protected] һалырға мөмкин. Үҙегеҙҙең телефон һандарын күрһәтергә онотмағыҙ.

Район гәзитенә яҙылығыҙ һәм бүләктәр отоғоҙ!