Дәүләкән ҡалаһы Дәүләт автоинспекцияһы белдерә

Башҡортостанда һауа торошо боҙолоуы күҙәтелә, артабан был турала Ғәҙәттән тыш хәлдәр министрлығы көн һайын смс-хәбәр менән иҫкәртеп торасаҡ.

Республиканың ҡайһы бер райондарында, шулай уҡ Дәүләкәндә лә ҡар яуҙы. Синоптиктар көндөҙ ҙә, төнөн дә һалҡын температура күҙаллай. Тимәк, юлдарҙа боҙлауыҡ буласаҡ һәм юл-транспорт ваҡиғалары йышаясаҡ.

Үткән аҙнала ғына, 2 ноябрҙән 8 ноябргә тиклем, Дәүләкән ҡалаһы Дәүләт автоинспекцияһы хеҙмәткәрҙәре биш юл-транспорт ваҡиғаһын һәм 250 административ хоҡуҡ боҙоуҙарҙы асыҡлаған.

Киң таралған һәм хәүефле хоҡуҡ боҙоуҙар:

- хәүефһеҙлек ҡайышын таҡмайынса йөрөү (10 кеше тотолған);

- ҡаршы хәрәкәт итеү юлына сығыу (туғыҙ кеше тотолған);

- иҫерек килеш руль артына ултырыу (ете кеше тотолған);

- автомобиль йөрөтөүгә таныҡлығы булмаған өсөн (өс кеше тотолған);

- балаларҙы йөрөтөү ҡағиҙәләрен үтәмәгән өсөн (ике кеше тотолған);

- тимер юлы аша үткәндә ҡағиҙәләрҙе боҙған өсөн (бер кеше тотолған).

Юлдарҙа һаҡ булығыҙ.

Фото асыҡ сығанаҡтарҙан алынды.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1