Дәүләкән кешеһе Өфөлә урлашыуҙа тотолған

Кисә, 16 ноябрҙә, Өфө ҡалаһының бер магазинына барған ваҡытта Дәүләкән районы кешеһе төрөп ҡуйылған әйберҙәр күргән һәм уларҙы үҙе менән алып ҡайтып китергә булған. Был ҡулға алыу һәм енәйәт эше менән тамамланған.

Рәсәй Эске эштәр министрлығының Өфө ҡалаһы буйынса идаралығының матбуғат хеҙмәтенән хәбәр итеүҙәренсә, Өфө ҡалаһының 11-се полиция бүлегенә сауҙа павильонынан ҡатын-ҡыҙҙар өсөн өҫ кейемдәрен урлау тураһында ғариза тапшырыла. Төргәктә бөтәһе ете куртка һәм алты дупланған тун була.

Тикшереү эштәре барышында тәфтишселәр ғәйепләнеүсене ҡулға алған. Ул 32 йәшлек Дәүләкән районы кешеһе булып сыҡҡан. Егет ғәйебен таныған һәм магазинға барғанда бер сауҙа павильонында төрөлгән әйберҙәр күреүе, ә һатыусының уларға иғтибар итмәүе тураһында һөйләй.Ул әйберҙәрҙе урларға ҡарар итә.

Әлеге факт буйынса Рәсәй Федерацияһы Енәйәт кодексының 158-се "Урлашыу" статьяһы буйынса енәйәт эше ҡуҙғатылған. Урланған әйберҙәр тартып алынған.

БР Эске эштәр министрлығының Өфө ҡалаһы буйынса идаралығының матбуғат хеҙмәте материалдарынан.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1