Ҡаҙ өмәһе (Алға ћәм Мәкәш ауылдары уңғандары)

Ҡырпағай ҙа етте бына,Ерҙе япты тәүге ҡар.Ауылдарҙа был мәлдәрҙеңҮҙ йәме һәм тәме бар.

Ауыл гөрләй. Һуғым мәле –

Байрамы ул халыҡтың.

Бәрәкәте булһын инде

Келәт тулы байлыҡтың.

Күрше-күлән, ағай-эне

Йыйыла иртүк таңдан.

... Гөрләтеп өмә үткәреү

Тик ауылда һаҡланған.

...Бөгөн бына ҡаҙ өмәһе,

Һимереп еткән ҡаҙҙар.

Ихатала зыу киләләр

Ҡаҙҙар, ҡыҙҙар – хас баҙар!

Ир заттары эш башлайҙар,

Әйтеп бисмиллаларын.

Шөкөр, ауыл һаҡлай әле

Мосолман йолаларын.

Ҡыҙ-ҡырҡын үҙен күрһәтә,

Кем тилбер ҙә, кем уңған.

Хужалар ҙа бик ҡәнәғәт:

Ҡаҙҙары һимеҙ булған!

Йырлай-көлә ҡаҙ йолҡҡанда,

Борхолдап китә йөндәр.

Ҡыҙлы йортта был мамыҡтан

Әҙер бирнәгә мендәр!

Һыу буйында түшкә сайҡау –

Иң күңелле мәл ошо.

Егеттәр башлап ебәрә

Таҡмаҡ, бейеү ярышын.

Һәр ерҙә лә ҡаҙ өмәһе –

Оло байрам, оло туй.

Егет-елән ҡыҙ күҙләр мәл...

(Ҡолағыңа киртеп ҡуй).

...Табыштырҙы, ҡауыштырҙы

Беҙҙе лә ҡаҙ өмәһе.

Саф, пак хистәр – аҡ ҡыштыҡы,

Һөйөүебеҙ – аҡҡоштоҡо,

Бер үк сит күҙ теймәһен!

(Яҡташтар ижады).

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1