-21 °С
Облачно
Антитеррор
Все новости
ЙӘМҒИӘТ
4 Декабря 2020, 19:15

Эремсектән бәлеш

Кискә ниҙәр әҙерләйһегеҙ, дуҫтар? Еңел генә рецепт тәҡдим итәбеҙ.

Өс стакан он, ярты стакан шәкәр, 1/4 сәй ҡалағы сода, 100 грамм аҡ май алабыҙ.
Эслек өсөн: ярты килограмм эремсек, ярты стакан шәкәр, өс йомортҡа, бер семтем ванилин.
Тәүҙә аҡ майҙы бәләкәй киҫәктәргә бүлгеләп, он, шәкәр менән бергә ыуабыҙ. Унан сода өҫтәйбеҙ.
Артабан эремсекте иләк аша үткәреп, йомортҡа, шәкәр менән бергә туғыйбыҙ. Форманы майлап, ярты ҡамырҙы йәйәбеҙ. Өҫтөнә эслекте һалғас, ҡамырҙың икенсе яртыһын ҡушабыҙ. Мейесте 220 градусҡа тиклем йылытып, ярты сәғәт бешерәбеҙ.
Сәйегеҙ тәмле булһын!
Читайте нас в