-30 °С
Облачно
Антитеррор
Все новости
ЙӘМҒИӘТ
23 Декабря 2020, 12:35

Юлға шыр иҫерек килеш сығып...

Кисә Әлшәй районында теркәлгән аварияла бер кешенең ғүмере өҙөлгән. Шишмә - Аксенов - Ҡырғыҙ-Миәкә автомобиль юлының 77-се километрында автомобиль бағанаға бәрелә.

Республиканың дәүләт автоинспекцияһынан хәбәр итеүҙәренсә, Дәүләкәндә йәшәгән 54 йәшлек водитель эскән килеш руль артына ултыра, һөҙөмтәлә машинаға идара итеүҙе юғалтып, һул яҡҡа оса һәм бағанаға бәрелә. Машина салонындағы 51 йәшлек пассажир алынған тән йәрәхәттәренән дауаханала вафат була. Автоинспекциянан белдереүҙәренсә, водитель шыр иҫерек була.

Кис йәнә бер үлемесле авария Шишмә районында теркәлә. Һамар - Өфө - Силәбе автомобиль юлының 1436-сы километрында йәйәүле тапала. "Citroen C4" машинаһы тәгәрмәсе аҫтында Әлшәй районы ауылдарының береһенән 45 йәшлек ир ҡалған. Водитель әйтеүенсә, йәйәүле ҡапыл юлға килеп сыҡҡан, һөҙөмтәлә ваҡиға урынында уҡ йән биргән.

Ике осраҡ буйынса ла тикшереү бара, авария сәбәптәре асыҡлана.

Юлдарҙа имен-һау йөрөгөҙ, тиҙлек режимын арттырмағыҙ!
Фото: ЮХХДИ.
Автор: Карима Усманова.
https://bash.rbsmi.ru/articles/kh-ef-e-lek/Yul-a-shir-i-erek-kilesh-si-ip-602510/?utm_source=vk&utm_medium=social&utm_campaign=104965500
Читайте нас в