Бөгөнгө "Таҙа ҡыш көнө" акцияһына Суйынсы, Ҡоръятмаҫ, Александровка ауылдары ла ҡушылған. Ҡоръятмаҫта һәм Александровкала - мәҙәниәт йорттары территорияһын, ә Суйынсы ауылында шәхси йорттар алдын һәм шулай уҡ мәҙәниәт усағының ихатаһын ҡарҙан таҙартҡандар. Суйынсыла өмәлә айырыуса күпләп ҡатнашҡандар. Ауылдың уңған егеттәре бындай дөйөм эштән ситтә ҡала алмаған.