Балалар ситтә ҡалмаһын

Ҡышҡы каникул көндәрендә Дәүләкән ҡалаһы мәсетендә балалар өсөн махсус байрам ойошторолдо. Был күркәм сара үҫеп килеүсе быуында динебеҙгә ҡарата хөрмәт тәрбиәләүгә, балаларға дөрөҫ тәрбиә биреүгә йүнәлтелгән. Төрлө йәштәге ҡыҙҙарҙың, малайҙарҙың күпләп килеүе ҡыуаныслы ине. Улар төрлө вәғәздәр тыңланы, тура юлдан тайпылмаҫҡа, ата-әсәләрҙе тыңларға, бер-береңә ярҙамға итергә, ауырлыҡ килгәндә кешене яңғыҙы ҡалдырмаҫҡа кәрәклегенә төшөндө.