Иҫтән яҙып ҡолағанмын...

Сәсемде буяғас көҙгөгә ҡарағайным, үҙ матурлығымдан иҫтән яҙып ҡолағанмын тине лә рәхәтләнеп көлөп ебәрҙе. Әй позитив кешеләр бар ҙа инде донъяла! Һәр нәмәнән ҡыҙыҡ табып, уйын-көлкөгә бора белгән был апайға һоҡландым. Юғиһә һәр бер әйбергә көйөнөп, хафаланып, ҡайғырып күпме "нервы ашала". Ошо танышым кеүек үҙеңде позитивҡа көйләй белергә ваҡыт еткәндер тимен мин дә үҙ-үҙемә. Шулай ҙа апайҙың был һүҙҙәрен үҙемдең күңел дәфтәренә яҙып ҡуйҙым, кәрәге тейер әле.