Интеллектуаль һәм өҫтәл уйындары уҙған

Республиканың яңы йыл байрамдары календарында 13 ғинуар -Интеллектуаль һәм өҫтәл уйындары көнө тип билдәләнгән.
Уға ярашлы, районда төрлө саралар (дөйөм алғанда шахмат-шашка ярыштары) ойошторолған.
Мәҫәлән, Дәүләкән районының Буранғол ауылында #играемдома хэштегы аҫтында онлайн-режимда ошондай турнирҙар ойошторған.
Тәүге һүрәттә бер төркөм балалар мауыҡтырғыс өҫтәл уйыны менән шөғөлләнһә, Ильяс Сәфиуллин һәм Данис Мырҙагәрәев, Ильяс һәм Миләүшә Сәфиуллиндар бар донъяларын онотоп, шахмат уйнай, ә Руслан һәм Әҙилә Әсәҙуллиндар, Руслан һәм уның әсәһе Гөлбикә Ғәскәровтар шашка буйынса ярыш ойошторған.