Елдәй елеп саңғыла...

Бөгөн күп төбәктәрҙә Сәләмәтлек һәм әүҙем оҙон ғүмерлелек йылына арналған саңғы ярыштары уҙҙы. Дәүләкән районында йәшәүселәр ҙә сәләмәт тормош яҡлы икәндәрен иҫбатлап, «Рәсәй саңғы юлы-2021» Бөтә Рәсәй саңғы ярыштарына ҡушылды һәм үҙ етеҙлектәрен һынап ҡараны. Ололар ҙа, балалар ҙа бик теләп ҡатнашты. Алға ауылы халҡы ла бөгөн был саранан ситтә ҡалманы.Ярыштарҙың нисек үтеүе тураһында беҙҙең сайтта уҡығыҙ.

Бындай ярыштар һағындырған. Һауа торошо ла был сараны ҡеүәтләгәндәй йылы торҙо.

Район ауылдарында ла был саранан ситтә ҡалманылар. Саңғысыларҙың күбеһе район үҙәгендәге ярыштарҙа ҡатнашыуына ҡарамаҫтан, ауылда ҡалғандар ҙур теләк менән саңғы юлына баҫты.

Мәҫәлән, Алға ауылы халҡы ла бөгөн саңғыларын тағып, ярыш үткәреләһе урынға йыйылды. Ҡатнашыусылар араһында йәштәр ҙә, пенсионерҙар ҙа бар ине. Саңғысыларҙан 74 йәшлек Ҡарасурин Таһир Сәғмән улы бөгөнгө ярышта ҡатнашыусыларҙың иң өлкәне ине. Оло йәштә булыуына ҡарамаҫтан, уның саңғы юлынан елдән дә етеҙ елеүе көйәрмәндәрҙә һоҡланыу уятты.

Спортсылар старт урынынан бер-бер артлы алға уҡталды.Көйәрмәндәр уларҙы дәртләндереп торҙо. Еңеүгә сәм, дәрт барыһын да берләштерҙе. Иң етеҙҙәр финишҡа беренсе булып килеп етте.

Ҡатын-ҡыҙҙар араһынан Рәмилә Фазуллина – беренсе, Фәйлә Арыҫланова – икенсе, Эльмира Фазуллина өсөнсө урын яуланы.

Ир-егеттәрҙән беренсе урын – Хәмзә Сәлимйәновта, икенсе урын –Таһир Ҡарасуринда, өсөнсө урын – Илдус Ғәзизовта.

Еңеүселәргә Почет грамоталары һәм иҫтәлекле бүләктәр тапшырылды.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1