Рәмзил ағайҙы ла иҫкә алайыҡ...

Рәмзил Мостаевтың исеме районда күптәргә таныш. Һуңғы бер нисә йыл ул Яңы Йәнбәк урта мәктәбендә йәш быуынға белем бирҙе, элекке уҡыусылары уны бөгөн иҫтәренә төшөрмәй ҡалмағандыр. Яугир-интернационалист булараҡ, үҫеп килеүсе быуында Ватанға һөйөү тәрбиәләне, уларҙы хәрби-спорт ярыштарына әҙерләне. Бер нисә йыл инде ул беҙҙең арала юҡ, әммә яугир-интернационалистың исемен яҡташтары онотмай.