+21 °С
Болотло
Антитеррор
Бөтә яңылыҡтар
ЙӘМҒИӘТ
22 Февраль 2021, 14:15

Һалдат Денис Буранғолов

Ир-егеттәребеҙ байрамы – Ватанды һаҡлаусылар көнө яҡынлаша. Ошо уңайҙан һеҙҙең иғтибарға әрмелә булып, илебеҙ ҡаршыһындағы бурыстарын намыҫ менән үтәп ҡайтҡан ир-егеттәребеҙ тураһында мәҡәләләр тәҡдим итәбеҙ. Дәүләкән районы Айыухан ауылында йәшәүсе Буранғоловтарға арналған яҙмаларҙы дауам итәбеҙ.Артабанғы һүҙебеҙ – Денис Рәмил улы Буранғолов тураһында.

Денис Рәмил улы Буранғолов 1992 йылда Айыухан ауылында тыуған. Раев мәктәбендә белем алған. 11-се класты тамамлағандан һуң, Өфө ҡалаһының Дим микрорайонында урынлашҡан Һамар тимер юлсылар техникумында тик яҡшы билдәләргә генә уҡый. Ҡыҙыл дипломын алған көнөндә әрме сафтарына саҡырыла. Байкал аръяғы крайының Чита ҡалаһындағы 5-се айырымланған гвардия танк бригадаһында намыҫлы хеҙмәт итә. Ата-әсәһенә ул хеҙмәт иткән часть командирынан рәхмәт хаты килә. Хеҙмәтен тултырып, тыуған яҡтарына ҡайтҡас, һөнәре буйынса эш башлай. Бөгөнгө көндә Дим депоһында машинист ярҙамсыһы булып хеҙмәт һала.
Читайте нас: