Бала вафат булған

Фажиғә Мәскәү өлкәһендә теркәлгән. Беренсе класс уҡыусыһы магазинға барып килергә сыҡҡан еренән кире әйләнеп ҡайтмай. Бер объекттың ҡыйығынан килеп төшкән ҡалын боҙ ҡатламы баланың баш мейеһен яралай, ҡыҙғанысҡа ҡаршы, был юлы әжәл көслөрәк булып сыға. Ата-әсә идара итеүсе компанияға ҡарата полицияға ғариза яҙған, сөнки бында хәүефле урын икәнлекте белдергән бер яҙыу ҙа ҡуйылмаған була. Хоҡуҡ тәртибен һаҡлау урындары тикшереү эштәре алып бара.