Ҡарҙар яуа тын ғына...

Март аҙағы яҡынлашыуға ҡарамаҫтан, ҡыш һаман хушлашырға ашыҡмай. Иртән тороуға бар тирә-яҡҡа аҡлыҡ, сафлыҡ өҫтәп, ап-аҡ мамыҡ юрғанын ябып ҡына тора. Шулай булһа ла, был сафлыҡ та оҙаҡҡа бармаҫ, моғайын. Ә әлегә ошо сихри матурлыҡҡа ҡарап, һоҡланып ҡалайыҡ.Һеҙҙең иғтибарға матур шиғыр тәҡдим итәбеҙ. Уны беҙҙең сайтта уҡығыҙ.

Бәрәкәт булып яуһын!

Аҡ яулыҡта бөтә өйҙәр,
Аҡ түбәтәй - түңгәктә.
Кәпәсле мөрйә иртәнән
Тәмәкеһен көйрәтә...
Ҡыш был, тимәгеҙ. Яҙ башы -
Көрткә сумдырҙы барын.
Һарандар ҙа арба-арба
Тейәп ебәрер ҡарын.
Һуҡрана ир:" Был ҡарҙарҙы
Ҡайҙа ғына итәйем?
Ҡар кәбәндәре осланды -
Инде аҙна һелтәйем..."
Бәрәкәттәр булып яуһын -
Ҡарҙар мәңгелек түгел.
Ә әлегә аҡ донъянан
Ынйылар тирә күңел...

Айһылыу Ғәрифуллина.

Читайте нас:

Об использовании персональных данных

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1