Әбейҙәр сыуағы буласаҡмы?

Башгидрометүҙәктән хәбәр итеүҙәренсә, был аҙнала һауа торошо төрлөсә була.

«Аҙнаның тәүге яртыһы йылыраҡ булыуы көтөлә. Һауа температураһы төндә –  +7,+12, 14 сентябрҙә көндөҙ – +19,+24, 15 сентябрҙә – +14,+19, көньяҡ-көнсығышта +23 градусҡа тиклем күтәрелә. Һалҡын фронттың үтеүенә бәйле 16 сентябрҙә һауа температураһының көндөҙгө сәғәттәрҙә +7,+12 градусҡаса түбәнәйеүе мөмкин», — тиелә хәбәрҙә.

Яуым-төшөмгә килгәндә, урыны менән ямғыр яуыуы ихтимал. Ел көндөҙ көсәйеүсән, тип хәбәр итте метеорологтар.