Өлкән быуын вәкилдәре ситтә ҡалманы

Мөҙәрис Сөләймәновтың исеме дәүләкәндәрҙең күбеһенә таныш. Үҙ ваҡытында ул агросәнәғәт өлкәһендә хеҙмәт һалған кешеләрҙең береһе – баш агроном да була, етәксе вазифаһын да үтәй..

Үҙенең конституцион бурысын үтәү өсөн был көндө ул район Мәҙәниәт йортонда урынлашҡан 1711-се һайлау участкаһына килде. Ветеран Суйынсы ауылында пропискала, әммә унда ҡайтып һайлап йөрөү мөмкинлеге булмағанлыҡтан, алдан уҡ хәстәрлек күрә – Дәүләкән ҡалаһында тауыш биреүе тураһында ғариза яҙа. Илебеҙ яҙмышы үҙебеҙгә бәйле ти ул. Мөҙәрис Зәйнулла улы һайлауҙарҙың өс көн дауамында барыуын да ыңғай яҡтан билдәләй – кешеләр буш ваҡытында, үҙҙәренә уңайлы мәлдә  һайлау участкаларына килә аласаҡ ти.