Өфөлә шахмат турниры бара

Өфөлә ир-егеттәр араһында шахмат буйынса 74-се Рәсәй чемпионаты һәм ҡатын-ҡыҙҙар араһында 71-се Рәсәй чемпионаты үтә. Турнир 8 октябрҙән 21 октябргә тиклем бара. 

Тап Өфөлә Рәсәй чемпионатының суперфиналдарын үткәреү ҡарары Спорт һәм Мәғариф министрлыҡтарының  республикала шахматты үҫтереү буйынса эшенең уңышлы барыуын дәлилләй.

Елена һәм Геннадий Тимченколарҙың  шәфҡәтлелек фонды шахмат уйынын үткәреүгә тап Өфө ҡалаһына өҫтөнлөк бирҙе. Быға республикала шахматтың ҙур үҫеш алыуы булышлыҡ итте. Башҡортостан Республикаһының Спорт министрлығы ярҙамында республиканың йәш спортсылары бөтә Рәсәй ярыштарында уңышлы сығыш яһаны һәм Европа, донъя чемпионаттарында лайыҡлы көрәште.