Конкурста ҡатнашыусыларҙың береһе - Рәмил Әлмөхәмәтов. Ул Баймаҡ районының Икенсе Этҡол ауылынан. Йылҡысылыҡ менән күптән шөғөлләнә, һунарсы ла. Конкурсҡа ул ат сбруйҙары, үҙе эшләгән һунар, тарантас, кашауай саналары алып килгән.
-Рәмил Оморҙаҡ улы сананың табанына йүкә ағасын ҡулланыуы, һунар санаһын ҡыш көнө һунарға йөрөү, ат көткәс, көндәлек хужалыҡта башҡа саналар ҡулланылыуы, шулай уҡ ат егеү өсөн кәрәк -яраҡтарҙы ла үҙе эшләүе, ейәне Мирйәндең дә ярҙамлашыуы тураһында һөйләп үтте.
Учалы районының Бәләкәй Ҡаҙаҡҡол ауылынан Кәрим Мостафин йүгәнгә биҙәүестәр һуға, шулай уҡ ат егеү өсөн кәрәк -яраҡтарын заказ буйынса етештерә.
Майҙанда төрлө төбәктәрҙән килгән оҫталарҙың ҡул эштәре, ауыл хужалығы тауарҙары күргәҙмәләре урын алған. Баһалама ағзалары конкурстанттарҙың эшен баһалап, иң-иң оҫталарҙы билдәләйәсәк.
Кәримә Усманова.
Автор фотоһы.