+13 °С
Болотло

Бөтә яңылыҡтар

ЯҠТАШТАР ИЖАДЫ

30 Август 2019, 17:48

Ҡәберҙән хат

( Рамай Ардыуан улы Әхмәҙиев иҫтәлегенә)Таңға тиклем һаубуллашып,«Рамай» йырын йырланым.Ауылымдан айырылыуҙыңБелдем ауыр булғанын.

Таңға тиклем һаубуллашып,

«Рамай» йырын йырланым.

Ауылымдан айырылыуҙың

Белдем ауыр булғанын.

Гармунымды һыйпап ҡуйып,

Киттем сығып өйөмдән.

Һуңғы тапҡыр эҙҙәр һалдым

Тыуып үҫкән еремә.

Ҡайтырмын тип тыуған яҡҡа

Киттем илде һаҡларға.

Әсәй бешергән аштарҙы

Ник яҙмаған ашарға?

Белһәм, бәхилләшер инем,

Өйҙән сығып киткәндә.

Туғандарҙы, атайымды,

Әсәйемде үпкәндә.

Күп эштәрҙе әле эшләмәнем,

Донъя матурлығын күрмәнем.

Яратып йөрөгән ҡыҙыма

Мине көт тә тимәнем.

Болон сәскәләрен йыйып,

Мин бит уға бирмәнем.

«Яратам мин һине»,- тиеп

Әйтергә өлгөрмәнем.

Никах кейемен кейергә

Яҙмағандыр күрәһең.

20 йәшем тулмайса

Яҙған гүргә керәһем.

Ишетеп яттым атайымдың

Табутыма ятып илауын.

Йыуата алманым иңдәренән ҡосоп,

Мин бит үлгән, тора алмайым.

Үҙеңдең дә таҙалығың юҡ бит,

Кәрәк, атай, сабыр булыу.

Алып ҡайтып, ерлә мине

Ауыр булһа ла был юлың.

Әсәйемде, зинһар, йыуат,

Иламағыҙ, түҙегеҙ.

Мин килтергән ҡайғыларҙан

Һарғаймаһын йөҙөгөҙ.

Аңлайым мин яҡшы, атай, әсәй,

Һалдым һеҙҙе ауыр ҡайғыға.

Илау менән кире ҡайтмам инде,

Ҡәберемдә уҡығыҙ доға.

Ҡалған туғандарым иҫән булһын,

Туйҙарын да яҙһын күрергә.

Ейәндәрегеҙҙе насип булһын,

Шатлыҡ менән ҡосоп һөйөргә.

Туғандарым мине иҫкә алһын,

Гармунымды алып уйнағыҙ.

Һағынғанда, рәсемемә ҡарап,

«Рамай» йырын, зинһар, йырлағыҙ.

Хәҙер инде доға ҡылырға

Яҡындарым минең ҡалманы.

Тыуған йортта, урамдарҙа

Эҙҙәремде үлән ҡапланы.

Ауылдаштар, мине иҫкә алып,

Ҡәберемә гөлдәр сәстегеҙ.

Ғүмерегеҙ оҙон, матур булһын,

Йөҙгә етһен һеҙҙең йәшегеҙ.

Хөрмәт итеп минең ҡәберемде

Яңыртҡанға һеҙгә ҙур рәхмәт.

Рухымды нурландырғанға

Йәшәгеҙ һеҙ шат, рәхәт.

Изге эштәрегеҙ өсөн Алла

Йәннәттәрҙән урын бирһен.

Ожмах ашын фәрештәләр

Һеҙгә өләшеп йөрөһөн.

Клара-Кәримә Әғзәмова.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1