Серле төн

Серле төндөң гүзәллектәренәХайран ҡалып киләм урамдан.

Серле төндөң гүзәллектәренә

Хайран ҡалып киләм урамдан.

Бер миҙгелдә һалған иңдәренә

Аҡ шәлдәрен зифа ҡайындар.

Бары миҙгел еткән үҙгәрергә-

Сихри йыһан нурға ҡойона.

Әйтерһең дә инде зәңгәр күктән

Гәлсәр бөртөктәре ҡойола.

Илаһи моң биләй ерҙең өҫтөн

Әйлән-бәйлән уйнай бөртөктәр.

Ҡуна улар наҙлап ҡына минең

Иңдәремә, һәр-бер керпеккә.

Бар донъяны паклыҡ солғап алған-

Тыуған яҡтың бөтмәҫ йәмдәре!

Бер миҙгелдә зифа ҡайындар ҙа

Иңдәренә һалған шәлдәрен.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1