Мөғжизәләр иле – тәбиғәт.

Тәбиғәт ул – серле әкиәт иле,Аҙым һайын көтә мөғжизә.

Һоҡланып мин сихри гүзәлеккә,

Бөгөн тағы бына ил гиҙәм.

Юл буйына оҙатып бара мине

Нәҙек билле зифа ҡайындар.

Улар иркә йәш кәләштәр кеүек,

Шыршы ҡосағына һыйынған.

Ынйы бөртөгөләй йым-йым итә,

Ҡайындарҙың алҡа-суҡтары.

Ә шыршылар, аҡ күлдәген кейеп,

Зәңгәр күккә атҡан уҡтарын.

Аҡ ҡайындар, әйтерһең дә инде,

Туй күлдәге кейгән кәләштәр.

Кейәү егеттәре – шыршылар ҙа

Ергә бирнә һибә көмөштән.

Сихри донъя –серле әкиәт иле,

Һоҡланып та туймаҫ мөғжизә.

Килер быуындарға гүзәллегең

Һаҡлай алһаҡ ине, тәбиғәт!

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1