Ауыр уйҙар

Беләмен мин, әле иртә миңә,Һүнер өсөн яныу-йәшнәүҙән.Тик шулай ҙа бына, ҡапыл ғынаАрып киттем әле йәшәүҙән.

Йөрәгемә әллә нимә булды:

Берсә ҡала кеүек туҡталып.

Бер ҡараһаң, сәсәй-сәсәй сапҡан,

Ярһыу аттай алға уҡтала.

Күңелем дә никтер йәмдәр тапмай,

Күҙҙәрем дә моңһоу һағыштан.

Шатлыҡ сәскән ҡояшымды ҡаплап,

Ҡайғыларым күккә олғашҡан.

Ғүмер усағымдың инде бына

Һүнеп барған кеүек ҡуҙҙары.

Сыҙамлыҡтар бирсе, ебәрергә,

Шул көндәрҙе, Хоҙай, уҙғарып.

Бир, Хоҙайым, миңә кескәй осҡон,

Дөрләтергә ғүмер усағын.

Шул сағында ҡайғыларым түгел,

Тик шатлыҡтар йәйер ҡосағын.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1