-4 °С
Болотло
Бөтә яңылыҡтар
ЯҠТАШТАР ИЖАДЫ
18 Март 2020, 18:40
Хыялдар
Ҡайтығыҙсы, хыялдар!
Хыялдарҙа киң йыһанды
Икәүләп гиҙә инек.
Емелдәшкән йондоҙҙарҙы
Берәмләп өҙә инек.
Хыялдарҙа алтындарҙан
Һарайҙар һала инек.
Бирешмәйсә дауылдарға,
Беҙ алға бара инек.
Хыялдарҙа бар юлдарҙы
Бергәләп уҙа инек.
Тик мөхәббәт моңдарынан
Шат йырҙар һуҙа инек.
Хыялдарҙа ауырлыҡтар
Ең(ә) алмаҫ кеүек ине.
Алда көткән яҙмышыбыҙ
Яҡты көн кеүек ине...
Тик хыялдар юҡҡа сыҡты,
Йән әрнетте хыянат,
Хылдағы бәхет һүнде,
Һынды иңдәге ҡанат...
Йөҙҙәремә биҙәк өҫтәп,
Елеп уҙалар йылдар...
Йөрәгемә ҡуҙҙар өрөп,
Ҡайтығыҙсы, хыялдар!
Читайте нас:
© 2024 Сайт издания "Балкантау"
Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.
Директор (баш мөхәррир) Татьяна Анатольевна Сәғәҙиева
Телефон
(347)68 3-28-50
Адресы
453400, Республика Башкортостан, г. Давлеканово, ул. Тукаева, д. 1