-4 °С
Болотло
Бөтә яңылыҡтар
ЯҠТАШТАР ИЖАДЫ
22 Февраль 2021, 14:55
Улымды оҙатҡанда
Әрмелә хеҙмәт итеү – һәр егеттең изге бурысы.Улын әрме сафтарына оҙатҡанда һәр әсәнең күңелендә ниндәй хистәр ташҡыны урғылыуын бары тик улдарын хәрби хеҙмәткә оҙатҡан әсәйҙәр генә аңлай алалыр.Вокзалда улымды, Ғайсин Алмаз Фәнгиз улын, әрмегә оҙатҡанда күңелемдә тыуған шиғри юлдарҙы һеҙҙең иғтибарға тәҡдим итәм.Уны беҙҙең сайтта уҡый алаһығыҙ.
«Мин ҡайтырмын, әсәй», - тигән һүҙҙәр
Йәнкәйемде һурып алды ла,
Ҡап урталай бүлеп, һалып ҡуйҙы
Дер-дер ҡалтыраған ҡулыма.
Ҡул болғайым, поезд шәберәк саба,
Йүгерәмен уның артынан.
Йәндең бер өлөшө: «Бер йыл», - тиһә,
Икенсеһе әйтә: «Юҡ-юҡ, илама!»
Бүлгән йәнде ҡулда тотоп торам.
Һүнде инде уты поездың.
Мин эйелеп, йәнгә бышылдайым:
«Ос артынан, һаҡла улымды!»
Һәм бер өлөш, ҡапыл күтәрелеп,
Алыҫтарға осто талпынып.
Икенсеһе әйтте, йылмайҙы ла:
«Беҙ көтөрбөҙ уның ҡайтыуын».
Көтәсәкбеҙ. Һис туңдыра алмаҫ,
Ара алыҫлығы күңелде.
«Ҡайттым, әсәй!» - тигән һүҙең өсөн
Мин бирермен тотош йәнемде!
Читайте нас:
© 2024 Сайт издания "Балкантау"
Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.
Директор (баш мөхәррир) Татьяна Анатольевна Сәғәҙиева
Телефон
(347)68 3-28-50
Адресы
453400, Республика Башкортостан, г. Давлеканово, ул. Тукаева, д. 1