Балаларҙың ялы башланды

Уҡыу йылы тамамланыу менән уҡыусыларҙың көтөп алынған йәйге каникулдар башланды. Беренсе июндә ҡаланың үҙәк майҙанында балалар һәм үҫмерҙәр өсөн балалар һабантуйы үткәрелде, мауыҡтыр­ғыс тамашала төрлө уйындар, ярыштар булды. Әүҙем ял итергә яратыусылар өсөн Ҡояшлы паркында һәм дөйөм белем биреү учреждениеларында көндөҙгө ял ойошторола. Бер нисә көндән “Тәбиғәт дуҫы” балалар һауыҡтырыу лагерында беренсе смена башлана.