Техник культураларҙы игеү буйынса республика семинары

Республика семинарында ҡатнашыусылар шәкәр сөгөлдөрө, кукуруз, сояны игеү үҙенсәлектәре буйынса фекер алышты15 августа Дәүләкән районы муниципаль районының яуаплылығы сикләнгән «Регионагро» йәмғиәтендә «Шәкәр сөгөлдөрө. Көнбағыш. Кукуруз. Соя» тигән темаға арналған семинар-кәңәшмә уҙҙы. Унда Башҡортостан Хөкүмәте Премьер-министры урынбаҫары – ауыл хужалығы министры И.И. Фазрахманов, Башҡортостандың ауыл хужалығы министры урынбаҫары И.И. Сураков, орлоҡ һәм ауыл хужалығы техникаһы поставкалаусы компаниялар вәкилдәре, 27 муниципаль райондың хакимиәт башлыҡтары урынбаҫарҙары һәм ауыл хужалығы идаралыҡтары (бүлектәре) начальниктары, ауыл хужалығы предприятиелары етәкселәре һәм белгестәре ҡатнашты.

Республика семинарында ҡатнашыусылар шәкәр сөгөлдөрө,

кукуруз, сояны игеү үҙенсәлектәре буйынса фекер алышты

15 августа Дәүләкән районы муниципаль районының яуаплылығы сикләнгән «Регионагро» йәмғиәтендә «Шәкәр сөгөлдөрө. Көнбағыш. Кукуруз. Соя» тигән темаға арналған семинар-кәңәшмә уҙҙы. Унда Башҡортостан Хөкүмәте Премьер-министры урынбаҫары – ауыл хужалығы министры И.И. Фазрахманов, Башҡортостандың ауыл хужалығы министры урынбаҫары И.И. Сураков, орлоҡ һәм ауыл хужалығы техникаһы поставкалаусы компаниялар вәкилдәре, 27 муниципаль райондың хакимиәт башлыҡтары урынбаҫарҙары һәм ауыл хужалығы идаралыҡтары (бүлектәре) начальниктары, ауыл хужалығы предприятиелары етәкселәре һәм белгестәре ҡатнашты.

И.И. Фазрахманов, семинарҙың пленар өлөшөн асып, «Регионагро» йәмғиәте баҫыуҙарында ошондай осрашыуҙарҙы үткәреү матур йолаға әйләнде, тип билдәләне. Бөгөн уларҙың кимәле үҫте. Сарала тәҡдим ителгән шәкәр сөгөлдөрө, көнбағыш, кукуруз һәм соя сорттары һәм гибридтары менән тәжрибә участкаларының һаны артҡан. Ошо культураларҙы үҫтереү серҙәре һәм нескәлектәре менән уртаҡлашырға әҙер бик күп белгестәр килгән. Уңыш йыйыу өсөн тәғәйенләнгән ауыл хужалығы техникаһы күргәҙмәһе ойошторолған. Башҡортостан Хөкүмәте Премьер-министры урынбаҫары – ауыл хужалығы министры семинарҙа ҡатнашыусыларҙы сарала тәҡдим ителгән тәжрибә менән ентекләп танышырға саҡырҙы.

- Бөгөн дәүләт аграрийҙар өсөн ҙур ярҙам саралары тәҡдим итә. Республика бюджетында киләһе өс йылға агросәнәғәт комплексы өсөн 10 млрд һумдан ашыу аҡса һалынған. Орлоҡ, ашлама, техника һатып алыуға субсидия бирелә, - тине И.И. Фазрахманов. – Ошондай ярҙам күрһәтелгәндә һөҙөмтә яҡшы булырға тейеш. Ауыл хужалығы ерҙәренең бер гектарынан 10 меңдән дә кәм табыш алмаҫҡа тигән маҡсатҡа ынтылырға тейешбеҙ.

Артабан республика семинарында ҡатнашыусыларға яуаплылығы сикләнгән «Регионагро» йәмғиәте директоры В.Ә. Нуриәхмәтов мөрәжәғәт итте. Хужалыҡ базаһында бындай күләмле сара икенсе тапҡыр үткәрелә, тип билдәләне етәксе.

Быйыл республиканың Ауыл хужалығы министрлығы һорауы буйынса “Компания “Соевый комплекс” йәмғиәте менән берлектә бында сояның Башҡортостан өсөн яраҡлаштырылған бер нисә сорты сәселгән.

«Россельхозбанк» акционерҙар йәмғиәтенең Башҡортостан төбәк филиалы директоры А.Н. Самсонов, яуаплылыҡтары сикләнгән «АгроМир» (А.Н. Ҡолоев), «Акрос РБ» (А.Н. Тимерғәлин), «Агротехсервис» (А.Т. Фәйзуллин) йәмғиәттәре директорҙары аграрийҙар менән ике яҡлы хеҙмәттәшлек хаҡында һөйләне.

Семинарҙа ҡатнашыусылар техник культуралар һәм соя орлоғон, гибридтарын етештереүсе һәм улар менән һатыу итеүсе компаниялар белгестәренең сығыштарын ҡыҙыҡһынып тыңланы, «Sesvanderhave» компанияһының шәкәр сөгөлдөрө гибриды, яуаплылығы сикләнгән «Компания «Соевый Комплекс» йәмғиәтенең соя сорттары, Кукуруз һәм көнбағыш орлоғо етештереүселәрҙең милли ассоциацияһының (НАПСКиП) кукуруз һәм көнбағыш сәселгән тәжрибә майҙандарын ҡараны һәм сағыштырҙы.

Үҙ продукцияһын Башҡортостан Республикаһында һатырға теләгән 17 Рәсәй компанияһы яуаплылығы сикләнгән «Регионагро» йәмғиәте өсөн баҫыуҙарҙа һынау маҡсатында селекция сорттарын һәм гибридтарын тәҡдим итте. Улар араһында ССПК «ККЗ Кубань», «Семеноводство Кубани», «ИПА Отбор», «Агромир Сидс» йәмғиәттәренән кукуруздың 4-11-әр сорты һәм гибриды; «Агроплазма», «Галактика», «Актив Агро» йәмғиәттәренән 7-14-әр берәмек көнбағыш сорты һәм гибриды һәм башҡалар бар.

Семинарҙа ҡатнашыусылар ошо компаниялар вәкилдәре – НАПСКиП президенты И.А. Лобачтың, яуаплылығы сикләнгән «Компания «Соевый Комплекс» йәмғиәте белгесе А.Н. Суховтың, «Sesvanderhave» компанияһы вәкиле В.Г. Погребенконың, «BAYER» компанияһынан А. Дворянкиндың, «ИПА «Отбор» йәмғиәте директоры Р. Азрет-Алиевич Князевтың (Ҡабарҙы-Балҡар), шулай уҡ машиналар эшләү фирмалары вәкилдәренең сығыштарын ҡыҙыҡһынып тыңланы.

«Башинком» предприятиеһы директоры урынбаҫары В.С. Сергеев яңы биопрепараттар һәм биоашламалар хаҡында һөйләне.

Яуаплылығы сикләнгән «Раевка шәкәр заводы» йәмғиәте директоры С.Р. Байғужин, «Шишмә шәкәр заводы» акционерҙар йәмғиәте директоры Ю.Г. Баримбойм һәм “Мәләүез шәкәр заводы” йәмғиәте директоры П.С. Родченков шәкәр етештереү һәм заводтарҙың сеймал ҡабул итергә әҙерлеге хаҡында мәғлүмәт еткерҙе.

Семинар барышында шулай уҡ «HOLMER», «MERLO», «РОССЕЛЬМАШ» компанияларының ауыл хужалығы техникаһын ҡаранылар. Атап әйткәндә, бында төбәктең һауа шарттарына яраҡлаштырылған сөгөлдөр йыйыу комбайнының һуңғы модификацияһы һәм билдәле «Нива»ларға алмашҡа килгән яңы «NOVA» иген урыу комбайны тәҡдим ителде. «MERLO» компанияһы семинарҙа ҡатнашыусыларҙы «PANORAMIC» тигән компактлы, маневрлы, күп функциялы ауыл хужалығы машинаһы менән таныштырҙы, уны төрлө баҫыу эштәрендә файҙаланырға була. Был машина складтарҙа һәм фермаларҙа эшләү өсөн бик уңайлы.

Семинар аҙағында «түңәрәк өҫтәл» ойошторолдо, сарала ҡатнашыусылар үҙ-ара фекер алышты, тәжрибә уртаҡлашты.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1