Төбәктә сатлама һыуыҡтар дауам итә

Башҡортостанда синоптиктар аҙна башына һауа торошо тураһында мәғлүмәт бирҙе. Бөгөн республиканың айырым райондарында еңелсә ҡар яуасаҡ, юлдарға көрт һалыуы ихтимал. Ел көньяҡ-көнсығыштан талғын, ваҡыты менән көсәйеүсән.

Һауа температураһы көндөҙ -15 градус, көньяҡ-көнсығышта – 20 градус. Шишәмбе һауа температураһы үҙгәрәсәк: төндә 18 градус һалҡын, көньяҡ-көнсығыш райондарҙа 23 градусҡаса түбәнәйеүе көтөлә. Көндөҙ – 12 градус. Шул уҡ көндө бер аҙ ҡар яуыуы көтөлә. Еңелсә буран сығыуы ихтимал.

30 ғинуарҙа һауа температураһы төндә -19 градус. Көндөҙ -12.