Төбәктә көндәрҙең һыуытыуы көтөлә

Шаршамбы, 20 февралдә, һауа температураһының 28 градусҡа тиклем түбәнәйеүе ихтимал. Иртәгә болотло һауа торошо көтөлә. Урыны менән ҡар яуасаҡ.

Башгидрометүҙәк мәғлүмәттәре буйынса, көндөҙ юлдарға көрт һалыуы, боҙлауыҡ булыуы ихтимал. Ел төньяҡтан, көньяҡ-көнсығыштан талғын, көндөҙ көсәйеүсән. Һауа температураһы төндә ун туғыҙ градус һалҡын, айырым райондарҙа - 28°,көндөҙ ете градус һалҡын.

Алдағы ике көндә йылы һауа торошо көтөлә, ҡар яуасаҡ.

Башгидрометүҙәк