Башҡортостанда ауыл халҡына дәүләт иҫәбенә тәүге спутник тәрилкәләрен ҡуйҙылар

Архангел районының Приураловка ауылы халҡына дәүләт иҫәбенә тәүге спутник тәрилкәләре ҡуйылды. Цифрлы эфир телевидениеһы зонаһында йәшәмәгәндәргә спутник ҡорамалын һатып алыуҙа һәм ҡуйыуҙа дәүләт ярҙамы күрһәтелә.

Ярҙамға граждандарҙың ике категорияһы хоҡуҡлы: пенсияһына федераль социаль өҫтәмә алған пенсионерҙар һәм аҙ тәьмин ителгән балалы ғаиләләр.

«Әлеге ваҡытта спутник ҡорамалын һатып алыуға һәм ҡуйыуға 300-ҙән ашыу ғариза килгән. Ғаризалар 3 июнгә тиклем ҡабул ителә. Ярҙамға хоҡуҡлыларҙың барыһын да муниципаль берәмектәрҙәге яуаплы кешеләргә мөрәжәғәт итергә саҡырам, улар тейешле документтар пакетын тултырырға ярҙам итер», — тине республиканың Матбуғат һәм киң мәғлүмәт саралары агентлығы етәксеһе Борис Мелкоедов.