Башҡортостанда йәшәү минимумы дәүмәле IV кварталда 8784 һум була

Башҡортостанда ағымдағы йылдың IV кварталына уртаса бер ай өсөн йәшәү минимумы дәүмәле билдәләнде, тип хәбәр иттеләр республика хөкүмәтенең матбуғат хеҙмәтендә. Эшкә һәләтле халыҡ өсөн – 9355 һум, пенсионерҙарға – 7193 һум, балаларға – 8723 һум. Уртаса һан — 8784 һум.

Йәшәү минимумы дәүмәле квартал һайын Башстаттың аҙыҡ-түлеккә, башҡа тауарҙарға, хеҙмәттәргә ҡулланыу хаҡтары кимәле тураһындағы ҡулланыусылар кәрзине нигеҙендә билдәләнә.

Хеҙмәткә түләүҙең минималь күләме һәм социаль өҫтәмәләр йәшәү минимумы дәүмәленән сығып иҫәпләнә.