Башҡортостанда талпан ҡаҙалыуҙан 220 кеше мөрәжәғәт иткән

Табиптар әйтеүенсә, бөжәктәрҙең әүҙемлеге арта, сөнки көндәр йылыта. Халыҡ та тәбиғәткә сыға, баҡса эштәре менән мәшғүл.

Эпидемиологтар талпан энцефалиты һәм башҡа йоғошло сирҙәргә ҡаршы прививка эшләтергә кәңәш итә. Рәсәйҙә етештерелгән вакцина яҡынса 350-400 һум тора, импорт дарыу 1 мең һумға һатыла. Былтыр республикала талпан ҡаҙалып, 11 меңдән ашыу кеше мөрәжәғәт итте. 50 кешегә талпан энцефалиты һәм боррелиоз диагнозы ҡуйылды.