Тәүлек эсендә Башҡортостанда 105 гектар урман янған

Уҙған тәүлектә Башҡортостанда 14 тәбиғәт янғыны теркәлгән.

Уҙған тәүлектә Башҡортостанда 14 тәбиғәт янғыны теркәлгән. Урман фондының 104,9 гектар ере уттан зыян күргән, тип хәбәр иттеләр Рәсәй Ғәҙәттән тыш хәлдәр министрлығының республика буйынса баш идаралығында.

Дөйөм майҙаны 69,8 гектар ерҙә 11 янғын һүндерелгән. Әле 35,1 гектар майҙанда өсәүһе яныуын дауам итә. Уларҙың икәүһе — Белорет районында, 27,1 гектар майҙанда. Йылайыр районында ут урман фондының 8 гектар биләмәһен ялмап алған.

Янғын миҙгеле башланғандан алып Башҡортостанда бөтәһе 105 тәбиғәт янғыны сыҡҡан, икәүһе — махсус һаҡланған тәбиғәт биләмәләрендә. 1377,76 гектар урман уттан зыян күргән.

Сағыштырыу өсөн: бер йыл элек төбәктә дөйөм майҙаны 442,81 гектар ерҙә 75 урман янғыны теркәлгән.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1