Төбәктә ҡырау һәм ҡар ҡатыш ямғыр фаразлана

Республика синоптиктары алдағы өс көнгә һауа торошон хәбәр итте.

Башгидромет мәғлүмәттәре буйынса, 17 майҙа төбәктә көн аяҙлы-болотло була. Айырым райондарҙа ҡойма ямғыр, йәшен, боҙ-борсаҡ. Ел көньяҡ-көнбайыштан, төньяҡ-көнбайыштан секундына 9-14 метр, көсәйгәндә — секундына 17-22 метр. Һауа температураһы көндөҙ — 14-16 градус.

18 майҙа урыны менән бер аҙ ҡыҫҡа ваҡытлы ямғыр. Төндә төньяҡ һәм көнсығыш райондарҙа ҡар ҡатыш. Ел төньяҡ-көнбайыштан, төньяҡтан, көсәйеүсән. Һауа температураһы төндә — 2-7 градус йылы. Урыны менән минус 2-гә тиклем һалҡынайтып, ҡырау төшөүе мөмкин. Һауа температураһы көндөҙ — 10-15 градус.

19 майҙа Башҡортостанда урыны менән бер аҙ ҡыҫҡа ваҡытлы ямғыр яуа. Төндә төньяҡ һәм көнсығыш райондарҙа ҡар ҡатыш. Ел төньяҡ-көнбайыштан, төньяҡтан, көсәйеүсән. Һауа температураһы төндә — 0-5 градус йылы. Урыны менән минус 5 градусҡаса һалҡынайтып, ҡырау төшөүе мөмкин. Көндөҙ — 8-13 градус.