Башҡортостанда өс айҙа 250 мең литр контрафакт алкоголь әйләнештән алынған

Был турала Республика етәксеһе Радий Хәбировтың Алкоголь баҙарын көйләү буйынса федераль хеҙмәт етәксеһе Игорь Алешин менән осрашыуында әйтелде. Полиция үткәргән оператив саралар барышында спирт етештергән йәшерен цехтар эшмәкәрлеге туҡтатылған.

Һатыуҙан 51 мең литр суррогат алкоголь тартып алынған. Магазиндарҙа һатылған бөтә спиртлы эсемлектәр Берҙәм дәүләт автоматлаштырылған мәғлүмәт системаһында теркәлергә тейеш.