Өфөлә йәшәгән ир лотереяла 6 миллион һумдан ашыу аҡса отҡан

«Гослото» матбуғат хеҙмәтенән хәбәр итеүҙәренсә, Өфөлә йәшәгән ир бәхетле билетты сайтта һатып алған һәм 6 миллион һумдан ашыу уйыны еңеүсеһе булған.

«Лотерея еңеүсеһе икенсе майҙандағы дүрт һанға киңәйтелгән ставка яһаған һәм 6 486 825 һум аҡса отҡан», — тип хәбәр иттеләр лотерея үткәреүселәр.

«Башинформ» агентлығы Өфөлә йәшәүселәрҙең аҡса уйынында еңеүҙәре тураһында быға тиклем дә хәбәр иткәйне. Быйыл июнь айында бер ир 1 миллион һум отто. Март айында ла бер ир 4 миллионға байыны. Февралдә иһә Башҡортостанда йәшәүсе кеше төрлө уйындарҙа өс билет һатып алып, 17,6 млн һум еңде. Баш ҡалала йәшәгән ирҙең 120 һумға билет алып, 2,6 миллион һум отҡаны хаҡында ла билдәле.